Սուրգուտում տղամարդը դանակով հարձակվել է անցորդների վրա, ինչի հետևանքով տուժել է 8 մարդ: Այս մասին հաղորդվում է Ռուսաստանի Քննչական կոմիտեի կայքում: Գերատեսչության տվյալներով՝ հարձակումը տեղի է ունեցել տեղի ժամանակով ժամը մոտ 11.20-ին:
«Դանակով զինված տղամարդը, շարժվելով քաղաքի կենտրոնական փողոցով, հարձակվել է անցորդների վրա՝ վնասելով 8 քաղաքացու»,- ասվում է հաղորդագրության մեջ:
Ներկայում բոլոր տուժածները հոսպիտալացվել են: Միջադեպի վայր են ժամանել իրավապահները:
Հարուցվել է քրեական գործ՝ «Մահափորձ» հոդվածով:
Պարզվում են հարձակվողի ինքնությունը և հարձակման շարժառիթները: