Այսօր՝ օգոստոսի 19-ին, ողբերգական դեպք է տեղի ունեցել Սյունիքի մարզում։ Ժամը 03։30-ի սահմաններում Քաջարան քաղաքի բնակիչ՝ 25-ամյա Վահան Վանեսյանը Mercedes Benz E 320 մակնիշի 17 FV 007 համարանիշի ավտոմեքենայով Երևան-Կապան ավտոճանապարհի 303-րդ կմ հատվածում դուրս է եկել ճանապարհի երթևեկելի գոտուց և բախվել ճամփեզրի բետոնե պատին։
Ինչպես հայտնում է shamshyan.com-ը, վերջինս վթարի հետևանքով տեղում մահացել է։ Դեպքի վայր են ժամանոլ Ճանապարհային Ոստիկանության 2-րդ սպայական գումարտակի 6-րդ վաշտի ծառայողները՝ վաշտի հրամանատար Անդրանիկ Շաղոյանի և դասակի հրամանատար Արթուր Ոսկանյանի գլխավորությամբ։
Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Գեղամ Մարգարյանը տեղեկությունը փոխանցել է Հայաստանի քննչական կոմիտեի Սյունիքի մարզային քննչական վարչություն, որտեղից ժամանել է քննչական խումբը՝ ավագ քննիչ Վոլոդյա Մուրադյանի գլխավորությամբ, ում կողմից փաստի առթիվ հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշով։
Մանրամասները՝ shamshyan.com-ում
