Լուրեր
Խրախճանք՝ ժանտախտի շրջանում․ Կարեն Կարապետյանի արցախյան հանգստի հնարավոր տողատակերը
  • 21:52
  • 2017-08-18
  • Դիտումներ՝ *

«Հայաստանի իշխանական վերնախավը վաղուցվանից գտնվում է ոչ ադեկվատ վիճակում, ոչ ադեկվատ երկրի խնդիրներին, մարտահրավերներին: Վերջին տարիների ֆորս-մաժորները ցույց են տալիս, որ Հայաստանը պատրաստ է ժամանակին հաղթահարել նման իրավիճակները՝ օպերատիվ և մաքսիմալ ցածր գին վճարելով:

Որևէ մեկը ինձ չի կարող համոզել, որ Խոսրովի արգելոցում ընդհանուր հրդեհի մատնված տարածքի մեծությունն այն լավագույն չափն է, որը մենք կարող էինք ունենալ: Վստահ եմ, որ մենք կարող էինք թույլ չտալ հրդեհի նման ծավալներ և նման մեծության վնասներ պատճառել երկրին և բնությանը, եթե, իհարկե, Հայաստանում կառավարման համակարգում պրոֆեսիոնալ պաշտոնյաներ լինեին և ոչ թե միջակություններ. այդ դեպքում մենք կունենայիք այլ արդյունքներ»,- «Առաջին լրատվական»-ի հետ զրույցում նշեց Միջազգային և անվտանգության հարցերի հայկական ինստիտուտի տնօրեն Ստյոպա Սաֆարյանը՝ անդրադառնալով Խոսրովի արգելոցի խնդրին:

Նրա խոսքով՝ ցանկացած իրավիճակ բարձրաստիճան պաշտոնյայից պահանջում է զսպվածության բավականին բարձր աստիճան. «Իհարկե, հայտարարվել է, որ Կարեն Կարապետյանը Արցախում է գտնվում իր ամառային արձակուրդը վայելելու համար, իհարկե, գովելի է, որ դրանով նա պրոպագանդում է Արցախում հանգիստը, իհարկե, գովելի է, որ նա Արցախի տնտեսությանն է ծանոթանում իր հանգստի հաշվին, բայց մի խնդիր կա՝ տեղեկատվություն տարածելը պետք է հաշվի առնի պահի զգայունությունը և Հայաստանի հրդեհը»,- ասաց Ստյոպա Սաֆարյանը՝ հավելելով, որ նման իրավիճակում ամենը դառնում է խրախճանք ժանտախտի շրջանում:

Հարցազրույցն ամբողջությամբ՝ տեսանյութում:

  • Դիտումներ՝ *