Բարսելոնայի կենտրոնում մարդկանց վրաերթի գլխավոր կասկածյալը հանդիսանում է 17-ամյա Մուսա Ուկաբիրը։ Այս մասին հայտնում է El Mundo-ն։
Ինչպես գրում է թերթը՝ ոստիկանությունը կենտրոնացել է երիտասարդի որոնման վրա, ում համարում է ահաբեկչության անմիջական իրականացնողը։ Նշվում է, որ հարձակումից հետո նրան հաջողվել է թաքնվել, նա իր դեմքը թաքցրել էր գլխարկով։ Իրավապահների տվյալներով՝ կասկածյալը կարող է զինված լինել։
Մուսան հանդիսանում է ահաբեկչությունից հետո ձերբակալված Բարսելոնայի բնակիչ Դրիս Ուկաբիրի եղբայրը։ Հիմնական վարկածով՝ երիտասարդն ավագ եղբորից գողացել էր անձնագիրը, որից հետո նրա անունով երկու ֆուրգոն վարձակալել Սանտա-Պերպետուա-դե-Մոգոդա թաղամասում։ Դրանցից մեկն անմիջականորեն կիրառվել է ահաբեկչության իրականացման համար, երկրորդը գտել են ահաբեկչությունից հետո Բարսելոնայից ոչ հեռու գտնվող Վիկ քաղաքում։ Ենթադրաբար, դրանով չարագործը պատրաստվել է փախչել։
Վերջին տվյաներով՝ ձերբակալվել է 3 մարդ, ովքեր կասկածվում են հարձակմանը մասնակցություն ունենալու մեջ, շարունակվում է ևս 2-ի որոնումը։
