Ռաքքան լքած հայ ընտանիքը կիսել է ԴԱԻՇ-ի վերահսկողության տակ ապրելու փորձը, մինչ կարողացել է փախչել։ Ընտանիքն այժմ ապրում է Ռաքքայից հյուսիս գտնվող Այն Աբիադ գյուղում։ Այս մասին հայտնում Almasdar News-ը։
Ընտանիքը պատմել է, որ վճարել է ԴԱԻՇ-ի սահմանած հարկը՝ ջեզյահը՝ անվտանգ լինելու համար, ինչպես նաև ենթարկվել հրամաններին՝ պատժից խուսափելու համար։ Նրանք նշել են, որ ահաբեկիչների իշխանության օրոք իրենց կրոնական ծեսերն արգելված են եղել։
Ամիսներ անց պատուհասել է սննդի, ջրի, էլեկտրականության սաստիկ սղություն։ «Հրթիռները թռչում էին մեր վրայով, բոլոր պատուհաններն ու դռները կոտրվել էին»,-պատմում են ընտանիքի անդամները՝ նշելով, որ իրենք ստիպված էին թաքնվել մառանում։
Վերջապես ընտանիքը կարողացել է փախչել քաղաքից դուրս գտնվող հյուսիսային տարածք, որն ազատագրվել էր Սիրիայի դեմոկրատական ուժերի կողմից։ Ընտանիքը փոքր գյուղում նոր կյանք սկսել։