Փաստաբան Արայիկ Պապիկյանն իր և ընտանիքի անդամների հասցեին ստացել է հայհոյանքներ, սպառնալիքներ պարունակող նամակներ, պահանջ է եղել նաև դադարեցնել որոշակի գործերով իր մասնագիտական գործունեությունը: Այս մասին այսօր լրագրողների հետ հանդիպմանն ասաց նա: Նա նշեց, որ դիմել է ՀՔԾ, որն ընդամենը լրատվամիջոցների միջոցով դիմել է իրեն` հասկացնելով, որ սխալ հասցեով է դիմել:
«Իրենց համար ավելի կարեւոր խնդիր է եղել այն, որ փորձեն ցույց տալ, որ սխալ հասցեով եմ դիմել: Նրանք ինձ համար մամուլի միջոցով դասընթաց կազմակերպեցին, շնորհակալություն, ես դասեր քաղեցի: ՀՔԾ-ում ավելի շատ հետաքրքրված էին իմ կողմը ցեխ շպրտելով, ասեմ, որ այն ինձ չի հասել: Գլխավոր դատախազությունը ստացել է համապատասխան դիմումը և ոստիկանությանը համապատասխան հանձնարարություն է տրվել, որտեղից այսօր ինձ հետ արդեն կապվել են»,-ասաց նա:
Մանրամասները՝ տեսանյութում
