Հայաստանից Ռուսաստան ավիատոմսերի թանկացումը կապված է նախատեսված քանակից ավելի պահանջարկի առկայությամբ: Այս մասին այսօր լրագրողների հետ զրույցում ասել է ՀՀ քաղավիացիայի վարչության պետ Սերգեյ Ավետիսյանը:
«Իրենց կողմից նախատեսված քանակից ավելի պահանջարկի դեպքում փորձում են օպերատիվ ձևով լուծում տալ այս ամենին: Գործընթացը շարունակական է, մենք ամեն օր կապի մեջ ենք, այսօր էլ որոշ արձագանքների ենք սպասում հավելյալ չվերթների մասով: Պետք է բոլորս հասկանանք, որ չվերթ ավելացնելու դեպքում տվյալ ավիաընկերությունը պետք է ունենա ազատ օդանավ: Գնային քաղաքականության մասով մենք մշտապես ասել ենք, որ ուղղակիորեն գնային քաղաքականության վրա չենք ազդում, մենք կարող ենք ունենալ անուղղակի ազդեցություն՝ շնորհիվ մրցակցության ավելացման: Պետք է կամ նստատեղերի քանակը, կամ օդանավերի քանակն ավելացնել»,-ասաց նա:
Մանրամասները՝ տեսանյութում
