«Մեր շուրջ համախմբվել պետք չէ, եթե ցանկանում են մեր գործընկերները՝ մենք պատրաստ ենք պայքարի: Մեր տեղը բոլորը գիտեն: Սպասենք աշնանը, տեսնենք ինչ է լինում: Այս պահին դեռևս դրական ոչինչ չեմ տեսնում, որովհետև ընդդիմությունն ավելի շատ փորձում է հարվածել միմյանց՝ հատկապես մեզ, կարծես թե մենք ենք երկիրն այս վիճակին բերել»,- «Առաջին լրատվական»-ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը:
Ըստ նրա՝ խորհրդարանն ապաքաղաքական մարմին է դարձել, որտեղ որևէ քաղաքական պայքար չկա, իսկ խորհրդարանից դուրս եթե պայքար ձևավորվի, ոչ միայն ԲՀԿ-ից, «Ելք»-ից, այլ նաև ՀՀԿ-ից կգան:
Հարցին՝ արդյոք հաջողվելո՞ւ է հանրությանը մոբիլիզացնել փողոցային պայքարի միջոցով, կուսակցության փոխնախագահն արձագանքեց. «Այս ընտրություններով խնդիրներն ավելի խորացան և շատ ավելի մեծ ծավալ են ստացել, և, եթե լինի հասարակական պահանջ, ընդդիմությունը միավորվի և իրավիճակի փոփոխության ուղղությամբ աշխատանքներ իրականացնի՝ մենք դրա մասնակիցը կլինենք»:
Նրա խոսքերով՝ Հայաստանը մինչև վերջին «շապիկը» Ռուսաստանի ենթակայության տակ է, ոչ միայն տնտեսական, այլ նաև քաղաքական և այլն, իսկ իշխանությունը փոխանակ գնա հասարակության միաձուլմանը, գնում է երկրի խնդիրներն ավելի խորացնելու ուղղությամբ:
Նրա խոսքերով՝ եթե պայքարի հարթակ ձևավորվի՝ իշխանափոխության պահանջն առաջինը կլինի:
Հարցազրույցն ամբողջությամբ՝ տեսանյութում: