Օգոստոսի 12-ին, Խոսրովի անտառի արգելոցում բռնկված հրդեհի մարման աշխատանքների արդյունքում 16 կմ պարագծով հրդեհից 13.5 կմ պարագիծը մեկուսացվել և մարվել է: Այս մասին տեղեկանում ենք ՀՀ արտակարգ իրավիճակների նախարարության պաշտոնական կայքից:
Ներկա պահին աշխատանքներ են իրականացվում հրդեհի մնացած 2.5 կմ պարագիծը մարելու ուղղությամբ: Հանգեցման աշխատանքների մեջ ներգրավված են ՌԴ ԱԻՆ, բնապահպանական և Զինված ուժերը, ինչպես նաև բնակչությունը: Չնայած եղանակային բարդ պայմաններին՝ ՌԴ ԱԻՆ «ԻԼ-76» հրդեհաշիջող ինքնաթիռը շարունակում է իր թռիչքներն ու մարման աշխատանքները:
Բնապահպան Լևոն Գալստյանն էլ ֆեյսբուք սոցիալական ցանցի իր էջում կիսվել է իր ստացած տեղեկություններով: «Մեր ունեցած տեղեկությունների համաձայն հիմա ուժեղ անձրև է Խոսրովի արգելոցում ու հրդեհի տարածումը դադարել է։ Շնորհակալություն բոլոր այն սրտացավ մարդկանց, որոնք այս մի քանի օրվա ընթացքում արեցին հնարավոր ամեն ինչ հրդեհի դեմն առնելու համար։ Բնությունն ի վերջո հասավ օգնության այդ մարդկանց»,- գրել է Լևոն Գալստյանը:
