«Ոտքի՛ Հայաստան» նախաձեռնության անդամ Դավիթ Հովհաննիսյանի կարծիքով՝ պետք է պատրաստ լինել երկարաժամկետ պայքարի. «Մարդիկ պետք է պատրաստ լինեն 2-3 ամիս անընդմեջ պայքարել։ Քաղաքական գործիչները ևս պետք է պատրաստ լինեն։ Նրանք մի միտք են ասում, հետո գալիս, նույն միտքը հրապարակում ասում ու սպասում են, որ բոլորը ծափահարեն՝ այդպես չի լինում»,- «Առաջին լրատվական»-ի հետ զրույցում ասաց Հովհաննիսյանը։
Նրա խոսքերով՝ այսօր պայքարի միակ, արդյունավետ միջոցը քաղաքացիական անհնազանդությունն է. «Դա միակ տարբերակն է, որով հնարավոր է ՀՀԿ-ին հեռացնել իշխանությունից։ Երբ ազգովի ենք ուզում՝ ստացվում է, եթե առանձին խմբերով՝ ոչ»,- փոխանցեց Հովհաննիսյանը։