Ալեքսանդր Գրիգորյանը, ով 2017 թվականի հունվարի 5-ին նշանակվել էր «Անժի» ակումբի գլխավոր մարզիչ, ՌԴ Պրեմիեր լիգայի 6-րդ տուրում «Դինամոյից» 3:1 հաշվով կրած պարտությունից հետո «Наш футбол» հեռուստաալիքի ուղիղ եթերում հայտարարել էր «Անժիի» հրաժարականի մասին։
Նա մասնավորապես ասել էր. «Ես այլևս Անժիի գլխավոր մարզիչը չեմ: Տղաները որակյալ խաղ ցուցադրեցին, սակայն պարտվեցինք, և սա առաջին դեպքը չէր։ Նման դեպքերում մարզիչը պետք է քաջություն ունենա և հրաժարական տա, ինչպես որ ես։ Անկեղծ ասած, ես ակնկալում էի շարունակել մարզել ակումբը այն դեպքում, եթե հաղթեինք «Դինամոյին»: Սակայն պարտությունից հետո հասկացա, որ անհրաժեշտ է հրաժարական տալ: Որոշումը կայացրել եմ ինքս, ղեկավարությունն էլ իր հերթին հաստատել է»:
Ի դեպ, Գրիգորյանի հրաժարականը մեծ ոգևորություն է առաջացրել Ադրբեջանում: Բանն այն է, որ Գրիգորյանի գլխավորությամբ «Անժիում» խաղում էր ադրբեջանցի ֆուտբոլիստ Այազ Գուլիևը: Ադրբեջանցիները ոգևորված են այն հանգամանքով որ Գուլիևը այլևս հանդես չի գա հայ մարզչի գլխավորությամբ:
Տվյալ պահին «Անժի» ակումբը 3 միավորով զբաղեցնում է նախավերջին հորիզոնականը։