Բելառուսի նախագահ Ալեքսանդր Լուկաշենկոն անհանգստություն է արտահայտել Ռուսաստանի հետ սահմանային գոտու վերականգնման և երկրների միջև հարաբերությունների սառեցման առնչությամբ։ Այս մասին նա ասել է «Ռոսիա 24» հեռուստաալիքի եթերում։
«Ռուսները սահմանապահներ են բերել սահման, մաքսավորները սկսում են իրենց անհասկանալի պահել, արգելափակում են ապրանքները։ Երրորդ երկրների մարդիկ կարող են անցնել միայն միջազգային անցակետերով, այսինքն՝ անվստահությունն արդեն մեզ է ուղղված»,-ասել է նա։
Ապրիլի 7-ին Լուկաշենկոն մեղադրել էր Կրեմլին միութենական պետության ստեղծման անպատրաստության մեջ։ Նրա կարծիքով՝ Մոսկվայի և Մինսկի իրավահավասարության բացակայությունը հանդիսանում է Բելառուսի տնտեսական խնդիրների պատճառ։
Միութենական պետության ստեղծման մասին պայմանագիրը Մոսկվայի և Բելառուսի միջև ստորագրվել էր 1997 թվականին։