Պենտագոնը հայտարարել է, որ օգոստոսի 10-ին հասցրած ավիահարվածի հետևանքով Աֆղանստանում ԴԱԻՇ ահաբեկչական խմբավորման 4 բարձրաստիճան անդամներ են ոչնչացվել։ Այս մասին ասվում է Քաբուլում ամերիկյան հրամանատարության ֆեյսբուքյան հայտարարությունում։
Համաձայն հրամանատարության տվյալների՝ աֆղանական Կունար նահանգում գործողության արդյունքում ոչնչացվել է նաև նահանգի ինքնահռչակ էմիր Աբդուլ Ռահմանը։
Աֆղանստանում ամերիկյան զորքերի հրամանատար, գեներալ Ջոն Նիքլսոնի խոսքով՝ Աֆղանստանում ԴԱԻՇ-ի գրոհայինների դեմ հաղթանակի կարելի է սպասել այս տարի։
Հուլիսին Պենտագոնը հայտարարել էր, որ Կունարում ոչնչացվել է Աֆղանստանում ԴԱԻՇ-ի բջջի պարագլուխ Աբու Սայեդը և խմբավորման մի քանի այլ անդամներ։