Մեծ Բրիտանիան կլքի ԵՄ-ն 2019 թվականի մարտին՝ միաժամանակ դուրս գալով Մաքսային միությունից և ԵՄ ընդհանուր շուկայից։ Այս մասին հայտնել են ֆինանսների նախարար Ֆիլիպ Համոնդն ու արտաքին առևտրի նախարար Լիամ Ֆոքսը համատեղ հոդվածում, որը հրապարակել է The Sunday Telegraph-ը։
«Մենք հարգում ենք բրիտանացի ժողովրդի կամքը, և 2019 թվականի մարտին Միացյալ թագավորությունը կլքի ԵՄ-ն։ Մենք դուրս կգանք Մաքսային միությունից և կստանանք ազատություն քննարկելու ողջ աշխարհի հետ ամենաշահավետ առևտրաին համաձայնագրերը որպես անկախ, բաց առևտրային տերություն»,-ասվում է հոդվածում։
«Երբ անցումային շրջանն ավարտվի, մենք ցանկանում ենք, որպեսզի Միացյալ թագավորության և ԵՄ-ի միջև աշխատեն մեխանիզմներ՝ հիմնված պայմանավորվածությունների վրա, որոնք կաջակցեն ԵՄ-ի հետ առավելագույն սերտ հարաբերություններին՝ պահպանելով սերտ կապերն անվտանգության, առևտրի և կոմերցիոն գործունեության ոլորտներում»,-ընդգծել են նախարարները։