Այսօր` օգոստոսի 12-ին խոշոր ավտովթար է տեղի ունեցել Երևանում: Ժամը 16:30-ի սահմաններում Իսակովի պողոտայում` Ոստիկանության ակադեմիայի հարևանությամբ, բախվել են Mercedes CL 500 մակնիշի 20 MP 001 համարանիշի և Mercedes C 240 մակնիշի 98 DT 889 համարանիշի ավտոմեքենաները:
Ինչպես հայտնում է shamshyan.com-ը` վթարի հետևանքով 1 հոգի մարմնական վնասվածքներով տեղափոխվել է «Աստղիկ» բժշկական կենտրոն: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները:
Վթարի մասին ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փոխանցել է Ճանապարհային ոստիկանության Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք , որտեղից դեպքի վայր է ժանամում հերթապահ հետաքննիչը: Ճանապարհային ոստիկանությունը պարզում է վարորդների և վիրավորի ինքնությունը: Դեպքի վայրում հավաքվածներն ասում էին, որ վիրավորը Mercedes C 240-ի վարորդն է եղել:
Մանրամասները՝ shamshyan.com-ում