SAUDIA ավիաընկերությունը դրես-կոդ է սահմանել ուղևորների համար, համաձայն որոնց՝ տղամարդկանց արգելվում է օդանավ բարձրանալ շորտերով, իսկ կանանց՝ կիպ կամ թափանցիկ զգեստով։ Կանոնները հրապարակվել են ավիաընկերության կայքում։
Կետերի շարքում, համաձայն որոնց ուղևորի վարքը համարվում է վիրավորական, նշված է որ կանայք չեն կարող նաև մերկացնել ձեռքերն ու ոտքերը։ Բացի այդ, ուղևորները չեն կարող բոկոտն քայլել։
Իր հերթին Սաուդյան Արաբիայի զբոսաշրջային դեպարտամենտի ղեկավար Ալի Համդին Makkah թերթի հետ հարցազրույցում հայտարարել է, որ նման կանոնները հանդիսանում են նորմալ և այս կամ այն չափով կիրառվում են ողջ աշխարհում ավիաընկերությունների կողմից։