Սիրիայի հյուսիսային Ռաքքա քաղաքում «Սիրիայի դեմոկրատական ուժերը» ԴԱԻՇ-ի գրոհայիններից փրկել են 7 քրիստոնյաների։
«Փրկվածների թվում կան հայկական երկու ընտանիքներ»,-հայտնում է «Ակոս» պարբերականը՝ հղում անելով մերձավորարևելյան Aran News պարբերականին։
Փրկված հայերից մեկի՝Քարադիժ Քարաջյանի խոսքով՝ իսլամիստ գրոհայինները ստիպել են իրենց բարձր հարկեր վճարել և հարկադրել կատարելու տարբեր ֆիզիկական աշխատանքներ։
Հուլիսի վերջին «Սիրիայի դեմոկրատական ուժերն» ու ժողովրդական աշխարհազորի ջոկատները սկսել են ԴԱԻՇ-ի գրոհայինների ջախջախումը Եփրատ գետից հարավ գտնվող ճակատի 30 կմ հատվածում։ Անցկացված գործողության արդյունքում զորքերն ազատագրել են մի քանի տասնյակ բնակավայրեր և վերահսկողության տակ վերադարձրել Ռաքքա նահանգի ավելի քան 40 նավթային ու գազային օբյեկտներ։