Ըստ «Գելափի» վերջին հարցումների՝ վարչապետ Կարեն Կարապետյանի վարկանիշը 10 տոկոս անկում է ապրել՝ նախկին 80 տոկոսի համեմատ:
«Սոցիոմետր» անկախ սոցիոլոգիական կենտրոն ՍՊԸ տնօրեն Ահարոն Ադիբեկյանը այս առնչությամբ «Առաջին լրատվական»-ի հետ զրույցում ասաց. «Վարկանիշը նախ պետք է ունենա չափորոշիչ: Մեր օբյեկտիվ գնահատականով՝ նրա վարկանիշը եղել է 60 տոկոս, և մեր ընտրանքը մոտ 5000 հոգի էր, իսկ այստեղ՝ 1000, դրա համար տոկոսի սխալը բավականին մեծ կլինի: Ուստի այդ տոկոսը գուցե մտնում է սխալանքի 10 տոկոսի մեջ»:
Սոցիոլոգը դժվարացավ ասել, թե որքանով է ուղղորդված «Գելափի» հարցումը, և կարևորեց հետևյալը. «Բոլոր նոր նշանակումների ժամանակ գործադիր իշխանությունից հայը սպասում է, որ նա Մովսեսի նման՝ իրեն կտանի դեպի երանելի, երազած ափերը, իսկ հետո երբ ուզում են տեսնել, թե իրենց կամ իրենց հարևանի նկատմամբ ինչ դրական բան է եղել, ու չեն տեսնում, հիասթափության ալիքը բավականին մեծանում է»:
Մանրամասները՝ տեսանյութում
