Ծագումով հայ երկու լիբանանցի պետական գործիչներ նշանակվել են երկրի կառավարության բարձր պաշտոններում։
«Հուրի Տեր-Սարգսյանը նշանակվել է Լիբանանի կառավարության գլխավոր ֆինանսական վերահսկիչ (նախարարական պաշտոն), իսկ Արա Խաչատուրյանը՝ Կոլումբիայում Լիբանանի հանրապետության արտակարգ և լիազոր դեսպան»,-հայտնում է հայ-լիբանանյան Aztag Daily պարբերականը։
Միևնույն ժամանակ ծագումով հայ լիբանանցի բարձրաստիճան դիվանագետ Վազգեն Կավալյանն ավարտել է առաքելությունը Ղազախստանում դեսպանի պաշտոնում և շուտով նշանակում կստանա նոր երկրում։
Տարբեր գնահատականներով՝ Լիբանանում ներկայում բնակվում է մոտ 140-165 հազար հայ, ում նախնիներն այդ մերձավորարևելյան երկիր են տեղափոխվել XX դարի սկզբին՝ փախչելով Օսմանյան կայսրությունում իրականացված Հայոց ցեղասպանությունից։