Nokia ընկերությունը 2 մլրդ դոլար է ստացել Apple-ից՝ հայտնել են ֆիննական արտադրողի ներկայացուցիչները։ Այդ վճարը դարձել է կողմերի միջև արտոնագրային վեճի կարգավորման մաս։ Այս մասին հայտնում է igate.com.ua-ն։
Կողմերի միջև կոնֆլիկտը սկսվել է 2016 թվականի վերջին։ Ընթացիկ տարվա մայիսի Apple-ն ու Nokia-ն պայմանավորվել էին արտոնագրային վեճի խաղաղ լուծման շուրջ, և ֆիննական ընկերությունը հետ էր կանչել մի շարք հայցերը, որոնք ներկայացվել էին Գերմանիայի և ԱՄՆ-ի դատարաններ։
Apple-ը խոստովանել է մեղքը և համաձայնել վճարել փոխհատուցման պահանջվող գումարը, ինչպես նաև ստորագրել նոր լիցենզիոն պայմանագիր։
Կողմերը պայմանագրից մանրամասներ չեն հայտնում՝ նշելով միայն, որ Nokia-ն Apple-ին կտրամադրի ցանցային ենթակառուցվածքի մի քանի ապրանքներ ու ծառայություններ։ Դրանից զատ, ընկերությունները համատեղ հնարավորություն կփնտրեն առողջության համար սարքերի արտադրության ոլորտում համագործակցության համար։
