Սիրիացի փախստականների նկատմամբ անմարդկային վերաբերմունքի պատճառով Թուրթիայում ձերբակալվել են մի խումբ զինվորականներ:Այս մասին հայտնում է «Հուրիյեթ» պարբերականը:
Սիրիացի փախստականները փորձել են հատել թուրք-սիրիական սահմանը և անցնել Թուրքիա:
Սահմանապահ զինվորականները, փախստականների հետ վարվելու հատուկ իրավական ընթացակարգերին հետևելու փոխարեն սկսել են ծեծել նրանց:
Պարբերականի փոխանցմամբ՝ դեպքը տեղի է ունեցել հուլիսի 28-ին:
«Հուլիսի 28-ին 4 սիրիացի փախստականներ փորձել են հատել թուրք-սիրիական սահմանը և նկատվել են 2 թուրք սահմանապահների կողմից: Սահմանապահները նրանց տեղափոխել են իրենց հենակետ և սկսել դաժան ծեծի ենթարկել: Մեկ այլ սահմանապահ բջջային հեռախոսով նկարել է այս ամենը և տեղադրել համացանցում»,- նշում է Հուրիյեթը:
Համացանցում տեսանյութի հայտնվելուց հետո սկսվել է զինորականների ձերբակալությունները:
Թուրքական իրավապահ մարմինները դեռևս չեն հայտնում, թե այս դեպքի հետ կապված քանի զինվորական է ձերբակալվել:
