Մոսկվաբնակ սկանդալային ավտոարշավորդ Մառա Բաղդասարյանը տուգանվեց 15 հազար ռուբլով՝ առանց վարորդական իրավունքի մեքենա վարելու համար։ Այս մասին RIA Novosti-ին հայտնել է իրավապահ մարմինների աղբյուրը։
Նրա մեքենան ոստիկանները կանգնեցրել էին Մոսկվայի արևմուտքի Ուլոֆ Պալմեի փողոցում հուլիսի 26-ին՝ ժամը 22.00-ին։
Երբ ոստիկանները սկսել էին արձանագրություն կազմել, աղջիկը գանգատվել էր վատ ինքնազգացողությունից։ Դեպքի վայր ժամանած բժիշկները նրա մոտ ախտորոշել էին «սթրեսի ուժգին ռեակցիա»։
Բաղդասարյանն անժամկետ զրկվել է վարորդական իրավունքից մարտին։