Հուլիսի 26-ին ԱՄՆ Կոնգրեսի Ներկայացուցիչների պալատը նոր պատժամիջոցներ ընդունեց ընդդեմ Ռուսաստանի։ Փաստաթուղթը, որը ներառում է Ղրիմի միակցումից հետո ՌԴ-ի դեմ պատժամիջոցների ամենամեծ փաթեթը, ուղարկվել է Սենատ, որտեղ հաստատումից հետո կուղարկվի նախագահ Դոնալդ Թրամփի ստորագրմանը։
Համաձայն օրինագծի՝ ամերիկյան ընկերությունների ու ամերիկացի ֆիզիկական անձանց կարգելվեն գործարքները ռուսական բանկերի հետ, որոնք գտնվում են պատժամիջոցների տակ։ Բացի այդ, պատժամիջոցները կտարածվեն էներգետիկ նախագծերի վրա, որտեղ ռուսական ընկերություններն ակտիվներ ունեն։
Դոնալդ Թրամփի կողմից օրինագծի ստորագրումից հետո պատժամիջոցների տակ կհայտնվի նաև ադրբեջանական «Շահ Դենիզ» գազի հանքը։ Այնտեղ ռուսական ԼՈՒԿՕՅԼ-ը 10 տոկոս բաժնեմաս ունի։
