Իտալիային այս տարի պատուհասած սաստիկ երաշտի պատճառով Վատիկանն անջատել է Սուրբ Պետրոսի հրապարակի՝ զբոսաշրջիկների շրջանում մեծ ժողովրդականություն վայելող շատրվանները։ Այս մասին հայտնում է Reuters գործակալությունը։
«Ծարավ» շատրվանները ստիպում են Հռոմի իշխանություններին դիտարկել ջրի օգտագործումը սահմանափակելու հնարավորությունը։
Իտալիայի տասնյակ շրջաններ կոչ են արել արտակարգ դրություն մտցնել երկրի համար վերջին 60 տարվա ամենաչորային գարնանից հետո։ Երաշտը Իտալիային զրկել է 20 մլրդ խորանարդ մետր ջրից։ Հռոմում դիտարկվում է ջրի մատակարարումն օրական 8 ժամով սահմանափակելու հնարավորությունը։