Կանադայի Բրիտանական Կոլումբիա նահանգի Գերագույն դատարանը Ուինսթոն Բլեքմորին և նրա նախկին փեսա Ջեյմս Օլերին մեղավոր է ճանաչել բազմակնության մեջ։ Այս մասին հայտնում է Yahoo News-ը։
1990-2014 թթ Բլեքմորը, ով այժմ 61 տարեկան է, ամուսնացել է 24 կանանց հետ, ունեցել է 145 երեխա։ 53-ամյա Օլերն ունի 5 կին։ Նրանց սպառնում է 5 տարվա ազատազրկում։
Ժամանակին նրանք եղել են Մորմոնների ֆունդամենտալիստական եկեղեցու եպիսկոպոսներ։ Օլերն ու Բլեքմորն ապրում են բազմակնության կողմնակիցների Բաունթիֆուլ բնակավայրում։
Բլեքմորը չի հերքում բազմաթիվ կանայք ունենալու փաստը, ու նշում, որ իր բոլոր ամուսնությունները կնքված են եկեղեցու կանոնների համապատասխան։ Դրա համար էլ դատախազությունը 20 տարի չի կարողացել նրա դեմ մեղադրանք առաջադրել։
