Շանհայում շենքի փլուզման հետևանքով 5 մարդ է մահացել: Այս մասին հայտնում է RIA Novosti գործակալությունը՝ վկայակոչելով Չինաստանի կենտրոնական հեռուստաընկերություն։
Եռահարկ շենքը փլուզվել է Ցզյադին շրջանում, ուրբաթ՝ օրվա երկրորդ կեսին։ Արտակարգ պատահարի պատճառը դեռ անհայտ է։
Փրկարարական գործողությունը սկսվել է միջադեպից անմիջապես հետո, փլատակների տակից հաջողվել է դուրս բերել վեց մարդու, սակայն նրանցից հինգն ավելի ուշ մահացել են հիվանդանոցում։
Իրավապահ մարմինները հետաքննություն են վարում՝ պարզելու միջադեպի պատճառները։
