Հայաստանի մարդու իրավունքների պաշտպան Արման Թաթոյանը հերթական քայլն է ձեռնարկել ադրբեջանական զինուժի թիրախավորված գնդակոծությունների մասին միջազգային հանրությանն իրազեկելու ուղղությամբ՝ հայտնում է ՄԻՊ աշխատակազմը։
Հայաստանի ՄԻՊ-ի տարածած հաղորդագրության համաձայն, Հայաստանի սահմանամերձ՝ մասնավորապես Տավուշի մարզի Բաղանիս, Ոսկեվան, Կոթի գյուղերում կատարված փաստահավաք աշխատանքների վերաբերյալ օմբուդսմենի հատուկ զեկույցի անգլերեն եւ ֆրանսերեն տարբերակներն ուղարկվել են միջազգային կառույցներին։
Զեկույցները բոլոր լեզուներով հասանելի են ՀՀ մարդու իրավունքների պաշտպանի պաշտոնական կայքում՝ www.ombuds.am: