Քիչ առաջ Շենգավիթ վարչական շրջանի ընդհանուր իրավասության դատարանում մեկնարկեց Ժիրայր Սէֆիլյանի գործով դատական նիստը: Պաշտպան Արա Զաքարյանի ուշացման պատճառով դատական նիստը մեկնարկեց 30 րոպե ուշացումով:
Պաշտպաններ Արա Զաքարյանն ու Նինա Կարապետյանցը միջնորդություն ներկայացրեցին դատարանին՝ գործով ամբաստանյալներին թույլ տալ մասնակցել նիստին, քանի որ վերջինս զրկված է կարծիք հայտնելու իրավունքից:
Դատավոր Տաթևիկ Գրիգորյանը հայտարարեց, որ ամբաստանյալները կարող են մասնակցել դատական նիստին միայն այն դեպքում, եթե անհարգալից վերաբերմունք չդրսևորեն և չխոչընդոտեն դատավարության բնականոն ընթացքը:
Պաշտպան Արա Զաքարյանը հայտարարեց, քանի որ իր պաշտպանյալը՝ Ժիրայր Սէֆիլյանը, չի կարող մասնակցել դատական նիստին, իրեն այլ բան չի մնում, քան լքել դատարանի դահլիճը:
Նշենք, որ մինչ դատական նիստի մեկնարկը դատարանում միջադեպ գրանցվեց:
Դատարան մուտք գորեծու ընթացքում Նինա Կարապետյանցի պայուսակը ազդանշան տվեց, վերջինս կարգադրիչների հետ վիճաբանություն ունեցավ: Կարճ միջադեպից հետո կարգադրիչները հայտարարեցին,որ ճանաչելով նրան թույլատրում են մտնել դահլիճ: Սէֆիլյանի պաշտպանները հայտարարում են, որ դատարանը մտադիր է դատական նիստը անցկացնել առանց ամբաստանյալների և իշխանության նախանշած սցենարով:
Լուսանկարը՝ azatutyun.am-ի