ԱՄՆ Միչիգան նահանգի բնակչուհի Գլենա Դարեմը մեղավոր է ճանաչվել ամուսնու սպանության գործով: Սպանության բացահայտման գործին մեծապես օգնել է զույգի մոտ ապրող թութակը, որը հիշել և կրկնել է զոհի վերջին խոսքերը: Այս մասին հայտնում է BBC-ն։ Թութակը մահացածի ձայնով բազմիցս կրկնել է նրա խոսքը` «Մի՛ կրակիր»:
Հետաքննությամբ պարզվել է, որ 2015 թվականի մայիսին 47-ամյա Գլենան ամուսնու ուղղությամբ 5 կրակոց է արձակել, որից հետո փորձել է վերջ դնել իր կյանքին։
Գլենան մեղավոր է ճանաչվել կանխամտածված սպանության գործով: Օգոստոսին կկայացվի նրա դատավճիռը:
