«Կարգոները խոշոր կազմակերպություններ են, որոնք զբաղվում են բեռնափոխադրումներով, և բոլորս էլ հասկանում ենք, որ դրանց հետևում հզոր անձնավորություններ են կանգնած, որոնք գերշահույթներ են ստանում։ Հիմա կառավարությունը, ՊԵԿ-ը որոշել է դրանց մաքսազերծման լիազորություններից զրկել՝ թողնելով միայն բեռնափոխադրմամբ զբաղվել, բայց մենք՝ ձեռներեցներս, պետք է մտածենք մեր մասին. թե չէ Չախկալ Աբոն կգա, թե Գել Սամոն կգնա՝ դրանից ձեռներեցներին ոչ մի օգուտ»,- «Առաջին լրատվական»-ի հետ զրույցում նշեց Հայաստանի ձեռներեցների կոնֆեդերացիայի նախագահ Տիգրան Հովհաննիսյանը՝ խոսելով կարգոների գործունեության և դրանց հետևանքով ձեռներեցների առջև ծառացած խնդիրների մասին։
Վերջինս ՊԵԿ-ի այս որոշումը դրական գնահատեց, սակայն ըստ նրա՝ առնվազն երեք ամիս ժամանակ է հարկավոր, որպեսզի տեսնեն՝ արդյոք ձեռներեցները կարողանո՞ւմ են ինքնուրույն իրականացնել իրենց ապրանքի մաքսազերծումը, թե՞ ոչ։ Նրա խոսքով՝ բազմաթիվ ձեռներեցների շրջանում նման գործընթացների հետ կապված կան տեղեկացվածության ցածր մակարդակ ու ոչ բավարար գիտելիքներ, ուստի պետք է աշխատել նաև այդ ուղղությամբ։
«Տոնավաճառներում միշտ էլ գործում են միջնորդներ, որոնք կարգոների ու ձեռներեցների միջև փող են աշխատում, բացի դրանից՝ կան փոքր ձեռներեցներ, որոնք ապրանքը գնում էին խոշոր ներկրողներից ու հավելավճարով դա վաճառում էին։ Հիմա այս փոփոխությամբ բոլորն էլ հնարավորոթյուն կունենան ինքնուրույն ներկրելու ինչ-որ ապրանք. պետք է ձեռներեցները սկսեն անել դա»։
Մանրամասները՝ տեսանյութում։
