Բրազիլիայի դատարանը կալանք է դրել երկրի նախկին նախագահ Լուիս Ինասիու Լուլա դա Սիլվայի բանկային հաշիվների և ունեցվածքի վրա։ Այս մասին հայտնում է Globo հեռուստաալիքը։
Խոսքը դա Սիլվայի բանկային հաշիվներում 606 հազար ռեալի (192 հազար դոլար) արգելափակման մասին է։ Բացի այդ, կալանք է դրվել նրա 3 բնակարանների, հողակտորի և երկու մեքենաների վրա։ Նշվում է, որ քաղաքական գործիչը կարող է օգտագործել իր ունեցվածքը, սակայն դրանց վաճառքի իրավունք չունի։
Հուլիսի 12-ին դատավոր Սերժիու Մորոն նախկին նախագահին դատապարտել էր 9.5 տարվա ազատազրկման՝ նրան մեղավոր ճանաչելով կոռուպցիայի և փողերի լվացման մեջ։ Նախկին նախագահին արգելվել է նաև 19 տարվա ընթացքում պետական պաշտոններ զբաղեցնել։