Գերմանիայի կանցլեր Անգելա Մերկելը կոչ է արել Իրաքի նախագահ Հեյդար ալ Աբադիին հետաքննել մարդու իրավունքների ենթադրյալ խախտումները Մոսուլը ԴԱԻՇ-ի զինյալներից ազատագրելու գործողության ընթացքում, հայտնում է Reuters-ը։
Հեռախոսազրույցի ընթացքում Մերկելը Ալ Աբադիին շնորհավորել է Մոսուլում հաղթանակի կապակցությամբ՝ անվանելով դա առաջին քայլը՝ ԴԱԻՇ-ի դեմ պայքարում։ Նա նաև Իրաքի նախագահին կոչ է արել հետաքննել մարդու իրավունքների խախտումների մասին հաղորդագությունները։
Ավելի վաղ միջազգային իրավապաշտպան կազմակերպությունները հայտնել էին Մոսուլում միջազգային հումանիտար իրավունքի խախտման ու հնարավոր ռազմական հանցագործությունների մասին։ Սոցցանցերում հայտնվել էր տեսագրություն, որտեղ ռազմական համազգեստով զինված մարդիկ ծեծում ու կրակում են Մոսուլում ձերբակալվածների վրա։