Ամերիկացիների ճնշող մեծամասնությունը մտահոգված է, որ Միացյալ Նահանգները կարող է Դոնալդ Թրամփի նախագահության 4 տարում ներգրավվել խոշորագույն պատերազմի մեջ:
Ինչպես տեղեկացնում է Press TV-ն, այս մասին վկայում են NBC News-ի հրապարակած հարցման արդյունքները, որոնց համաձայն` ԱՄՆ-ի բնակիչների 76 տոկոսը մտահոգված են զինված հակամարտության հավանականությամբ: Ի դեպ, այս ցուցանիշը 10-ով ավելի է, քան փետրվարին իրականացված ուսումնասիրության ժամանակ:
Հարցման արդյունքում պարզվել է նաև, որ բնակչության 41 տոկոսը Հյուսիսային Կորեան առաջնային վտանգ է համարում ԱՄՆ-ի համար, ավելի վտանգավոր, քան ԴԱԻՇ-ն ու Ռուսաստանը:
Յուրաքանչյուր հինգերորդ ամերիկացին կամ բնակչության 59 տոկոսը կարծում է, որ Հյուսիսային Կորեայից այս տարի ավելի մեծ սպառնալիք է գալիս, քան նախորդ տարի: