Իրաքի վարչապետ Հայդեր ալ-Աբադին հայտարարել է Մոսուլի համար մարտերի ավարտի մասին և կոչ արել թուրքական զորքերին լքել երկիրը։ Այս մասին հայտնում է իրաքյան քրդական Rudaw հեռուստաալիքը։
Բաղդադի և Անկարայի հարաբերությունները վատացել էին 2015 թվականի վերջին՝ այն բանից հետո, երբ Թուրքիան, առանց իրաքյան իշխանությունների թույլտվության, զորքերը մտցրել էր Մոսուլից ոչ հեռու գտնվող Բաշիկա շրջան՝ ԴԱԻՇ-ի դեմ պայքարում իրաքցի աշխարհազորայիններին օգնելու պատրվակով։