Ֆրանսիայի սենատը (խորհրդարանի վերին պալատը) անցած գիշեր ձայների մեծամասնությամբ ընդունել է ահաբեկչության դեմ պայքարի մասին օրինագիծ, որը կոչված է իրավապահների ձեռքում պահել ահաբեկչական սպառնալիքի դեմ պայքարի գործիքները՝ արտակարգ դրության ռեժիմի չեղարկումից հետո։ Այս մասին հայտնում է France Presse գործակալությունը։
2015 թվականի նոյեմբերի 13-ի ահաբեկչությունների հետո սահմանված և մի քանի անգամ երկարաձգված արտակարգ դրության ռեժիմը կչեղարկվի նոյեմբերի 1-ին։
Գործակալության տվյալներով՝ առաջին ընթեցմամբ օրինագծի ընդունմանը կողմ է քվեարկել 229 սենատոր, 106-ը դեմ են քվեարկել։ Հոկտեմբերին օրինագծի շուրջ պետք է քվեարկի խորհրդարանի ստորին պալատը։