Ռուսաստանի Պետդումայի նախագահի առաջարկը նորմալ եմ գնահատում ՌԴ շահերից ելնելով և այդտեղ զարմանալու ոչինչ չկա: Այդ մասին «Առաջին լրատվական»-ի հետ զրույցում նշեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը՝ անդրադառնալով ՌԴ Պետդումայի նախագահ Վյաչեսլավ Վոլոդինի հայտարարությանը, թե Ռուսաստանում հայկական վարորդական իրավունքների հարցը լուծելու համար Հայաստանում ռուսերենին պաշտոնական լեզվի կարգավիճակ է պետք տալ:
Նրա խոսքերով՝ Ռուսաստանը երբեք չի էլ թաքցրել իր նպատակները, որ նաև լեզվի միջոցով տարածելու են իրենց ազդեցությունը:
«Մեր պաշտոնատար անձանց արձագանքն, իհարկե, անհամաչափ էր, որովհետև դա մեր սահմանադրական նորմի դեմ ուղղված քայլ էր: Հայաստանի սահմանադրությամբ ամրագրված է, որ պետական լեզուն հայերենն է և դա ոտնձգություն է սահմանադրական հոդվածի սկզբունքի դեմ: Այն երկչոտությունը, որով արձագանքում է Հայաստանի ԱԺ նախագահը, որ մի անհանգստացեք, մեր կրթական համակարգում ռուսաց լեզվի դասավանդումը լավ հիմքերի վրա է, ավելի շատ նման է հաշվետվության, մենք ամեն ջանք գործադրում ենք, որ մեր քաղաքացիները ռուսերեն լավ իմանան»,- ընդգծեց Սաքունցը:
Հարցազրույցն ամբողջությամբ՝ տեսանյութում:
