Այն բանից հետո, երբ Իրաքի զինված ուժերը դուրս են մղել Համմամ էլ Ալիլ քաղաքից ահաբեկչական ԴԱԻՇ խմբավորման զինյալներին, այնտեղ հայտնաբերել և առգրավել են տասնյակ մոդիֆիկացված մեքենաներ: Այս մասին հայտնում է Life.ru-ն։
Դրանք նման են «Խելագար Մաքսը» ֆիլմի մեքենաներին, որոնք թողարկվել էին հատուկ մահապարտների պայթյուններ իրականացնելու համար։ Դրանք պատված են զրահակայուն թիթեղներով։ Ահաբեկիչների շրջանում մեծ պահանջարկ են վայելում հետևյալ մոդելները՝ Toyota Land Cruiser, Toyota Hilux, նաև Kia ու Hyundai:
Տեղի իշխանությունները հետաքննություն են սկսել՝ պարզելու համար, թե ահաբեկիչները որտեղից են ձեռք բերել մեքենաները։