Հրաչյա Հարությունյանին երեկ առավոտյան Ռուսաստանի Տամբովի մարզի N3 քրեակատարողական հիմնարկից տեղափոխել են Մոսկվա, նա Հայաստան կտեղափոխվի հուլիսի 16-ին: Այս մասին «Առաջին լրատվական»-ի հետ զրույցւոմ ասաց Հրաչյա Հարությունյանի աները՝ Վիկտոր Մարտիրոսյանը:
Նրա խոսքով՝ տեղափոխման հետ կապված բոլոր տեխնիկական հարցերը լուծված են, Հարությունյանին ասվել է, որ նա տեղափոխվում է Հայաստան: «Առաջին քայլն արված է: Սպասում ենք արդեն նրա տեղափոխմանը»,- ասաց Մարտիրոսյանը:
Հիշեցնենք, որ Հրաչյա Հարությունյանը, որը ազատազրկման էր դատապարտվել 6 տարի 9 ամիս ժամկետով, 2013 թվականի հուլիսի 13-ին ՌԴ Պոդոլսկի շրջանի մերձակայքում «Կամազ» մակնիշի բեռնատար մեքենայով բախվել էր մարդատար ավտոբուսին, ինչի հետևանքով զոհվել էր 18 մարդ: Հրաչյա Հարությունյանին մեղադրանք էր առաջադրվել ՌԴ քրեական օրենսգրքի 264 (երթևեկության կանոնների խախտում և տրանսպորտային միջոցների շահագործում) և 327 (փաստաթղթերի կեղծում, պատրաստում կամ իրացում) հոդվածներով:
Լուսանկարը՝ kommersant.ru-ի
