Ազգային Ժողովում լրագրողները «Ելք» խմբակցության պատգամավոր Սասուն Միքայելյանին խնդրեցին մեկնաբանել Գալուստ Սահակյանի այն հայտարարությունը, որը Սերժ Սարգսյանը պետք է առաջիկայում ղեկավարի երկիրը: «Ավելի ճիշտ կլինի, որ ինքը լինի, որ վերջիվերջո մի անգամ պարտավորություն վերցնի իր վրա: Թե չէ տարիներ ընթացքում եսիմ քանի վարչապետ է փոխվել, եւ ինքն իր վրա ոնց որ պատասխանավություն չի վերցրել: Վերջերս ես եկել եմ եզրակացության, որ ինքը պետք է լինի, Սերժ Սարգսյանին ես նկատի ունեմ»:
Սասուն Միքայելյանը նշեց, որ եթե երկու տարին մեկ անգամ պետք է վարչապետը փոխվի, եւ ոչ մեկ պատասխանատվություն չստանձնի ժողովրդի առջեւ, ավելի ճիտ կլինի, որ Սերժ Սարգսյանը լինի վարչապետը:
Ժողովուրդն այդ մտքի հետ կհաշտվի՞, հարցրին պատագամավորը պատասխանեց. «Իսկ այսպիսի ապրելակերպին, որ ժողովուրդը հաշտվել է…, վերջնական թող անի, չէ, չէ»,- հավելեց Սասուն Միքայելյանը:
«Ելք» խմբակցության պատգամավորը նշեց նաեւ, որ դա իր անձնական կարծիքն է: «Այս տարիների ընթացքում միշտ իրավիճակ է ձեւավորվել ՀՀ-ում, որ պետք է փոփոխություն լինի կամ ինչ-որ հարցի լուծում լինի, բռնել վարչապետ են փոխել, հասկանում եք, իսկ Սերժ Սարգսյանի դեպքում ինքն իրեն չի կարող փոխել, հասկանում եք»,- ընդգծեց Սասուն Միքայելյանը:
Լուսանկարը՝ Photolure-ի
