BMW ընկերությունը էլեկտրական սկուտեր է ներկայացրել, որը կարող է մինչև 25 կմ/ժամ արագություն զարգացնել:
Ինչպես տեղեկացնում է Motor.ru-ն, X2City անվանումն ստացած սկուտերը օգտագործման ռեժիմից կախված կարող է 25-35 կմ տարածություն անցնել առանց վերալիցքավորման: Էլեկտրական սարքի քաշը նույնպես կազմում է 25 կգ:
Այն համալրված է էլեկտրաշարժիչով, որը ներկառուցված է հետևի անիվի մեջ և սնվում է 408 վատտ/ժամ հզորությամբ լիթիում-իոնային մարտկոցից:
Արագությունը կարգավորվում է մեխանիկական համակարգով` 8,12,16, 20 և 25 կմ/ժամ տարբերակներով: Մարտկոցի լիցքավորումը սովորական կենցաղային էլեկտրացանցից 2.5 ժամ կտևի: