Friday, 29 03 2024
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է

Թող շատ չքրքրեն, եթե մենք բացենք ներքին խոհանոցի բոլոր բաղադրիչները, որևէ մեկի համար լավ չի լինելու

«Առաջին լրատվական»-ի զրուցակիցն է «Ժառանգություն» կուսակցության փոխնախագահ Արմեն Մարտիրոսյանը:

-Պարոն Մարտիրոսյան, «Ժառանգություն» կուսակցության 11-րդ համագումարին Րաֆֆի Հովհաննիսյանն ընդդիմադիրներին թավշյա հեղափոխության կոչեր արեց: Դրանից հետո խորհրդարանական և արտախորհրդարական ուժերի արձագանքներն ինչպե՞ս եք գնահատում, երբ դրանք հիմնականում մերժող արձագանքներ էին:

-Այդ արձագանքները, իհարկե, զարմանալի չէին: Եթե նմանատիպ իրավիճակ չլիներ, և՛ ընտրություններից առաջ, և՛ ընտրությունների ժամանակ միավորվեին ընդդիմադիրները, և Սերժ Սարգսյանի հետ խաղեր չտային, զարմանալի կլիներ: Բայց այն, ինչ ասվեց, դրանց մի մասն իսկապես սպասելի էր: Պարոն Հովհաննիսյանը ասել է մի բան, որն անհրաժեշտություն է: Բայց պարոն Հովհաննիսյանն ասել է մի բան, որը չի ենթադրում ինչ-որ անձի կամ ուժի շուրջ համախմբում, և նույնիսկ իր ասուլիսում ևս մեկ անգամ բարձրաձայնեց, որ խոսքը վերաբերում է նրան, որ այսպիսի անհրաժեշտություն կա, եթե չենք ուզում, որ երկիրը դառնա, իր իսկ ձևակերպմամբ, սերժապետություն, քաղաքագիտական առումով ավտորիտար ռեժիմ: Իմիջիայլոց, միջազգային բոլոր հեղինակավոր կազմակերպություններն արդեն խոսում են դրա մասին: Դրա համար ասաց, որ մենք ցանկացած պարագայում, եթե կլինեն անձինք, ուժեր, ովքեր կցանկանան պայքարել, որ նման իրավիճակում չհայտնվի Հայաստանը, մենք պատրաստ ենք մեր ուժերը ներդնել: Մնացածն արդեն այլոց որոշելիքն է: Եվ իր՝ թավշա հեղափոխության կոչերից հետո արդեն ուրիշներն էլ սկսեցին այդ օրակարգի մասին խոսել: Շատ վատ է, որ «Ժառանգության» օրակարգը, քայլերը, մեթոդները այս կամ այն ուժը ժամանակ առ ժամանակ օգտագործում է, բայց նաև շատ կարևոր է, որ «Ժառանգության» սկզբունքներն ընդունեն, ոչ թե որ իրենք ընդունեն «Ժառանգության» առաջատարությունը, այլ «Ժառանգության» սկզբունքայնությունը՝ պաշտպանելու քաղաքացիների, երկրի շահը: Սա, մեծ հաշվով, մեր խնդիրը չէ, սա բոլոր խնդիրն է: Կցանկանա՞ն, մենք պատրաստ ենք, չե՞ն ցանկանա, իրենց որոշելիքն է: Հասարակությունն ինքն էլ պետք է որոշում կայացնի՝ ցանկանում է այսպե՞ս շարունակել, թե՞, այնուամենայնիվ, իր անվտանգությունն իր համար կարևոր է: Այսպես շարունակվելու դեպքում մենք անվտանգության հետ կապված խնդիրներ ենք ունենալու, դեռ սոցիալական խնդիրների մասին չեմ նշում: Գուցեև որոշ ուժեր հույսը դնում են Ռուսաստանի վրա, բայց պետք է նշեմ, որ ռուսները, չգիտեմ՝ լա՞վ, թե՞ վատ, մեկ հատկություն ունեն՝ մեկ օրվա ընթացքում թողնում-հեռանում են տարածաշրջանից, ինչը եղավ նախորդ դարասկզբին, երբ մենք մենակ կանգնեցինք կռվի առաջ: Սա կարող է կրկնվել ցանկացած պահի, առավել ևս, որ Ռուսաստանի ներկայացուցիչները բազմիցս նշել են, որ իրենք Ադրբեջանի հետ երբևէ հակամարտության մեջ չեն մտնի: Եվ ոչ միայն Ադրբեջանի, այլ նաև հետխորհրդային որևէ տարածքում իրենք ուժային գործողություն չեն իրականացնի:

Անվտանգության խնդիրներն օրենցօր ահագնանում են, և տեղյակ եք, որ ընդամենը մի քանի օր առաջ նաև զորավարժություններ տեղի ունեցան Նախիջևանում, բոլորս տեղյակ ենք Նախիջևանում կուտակված զենքի մասին, զենք, որ նույնիսկ արդեն Երևան կարելի է հասցնել: Եվ դրա համար այս ամենը մենք պետք է հասկանանք՝ մեզ այսպես շարունակելը ձե՞ռք է տալիս, թե՞ ոչ:

Աշխարհում շատ են եղել պետություններ, որտեղ կառավարման համակարգը այլասերվել է, և պետությունները ինչ-որ ժամանակ հետո վերացել են: Եվ կարող է մեր, այսպես կոչված, քաղաքական դաշտը, պսևդոընդդիմադիրները և հասարակությունը գտել են, որ այսպես ավելի ճիշտ է: Բայցևայնպես, մենք ուղղակի չենք կարող շարունակել, քանի որ այս մեկ անգամից հետո ես չեմ կարծում, որ լայնախոհություն կլինի՝ նորից պետականություն վերականգնել:

-Այս կոչերը այս պահի՞ համար են, թե՞ 2018-ի ապրիլի, երբ Սերժ Սարգսյանի պաշտոնավարման ժամկետը կլրանա: Հնարավո՞ր եք համարում այդ ժամանակ օրակարգ ձևավորվի՝ Սերժ Սարգսյանին որևէ կերպ թույլ չտալ վարչապետ դառնալու շուրջ:

-Ակնհայտ է, որ սա շարունակական գործընթաց պետք է լինի: Որպեսզի ապրիլին նմանատիպ վիճակ չլինի, արդեն աշնանը պետք է սաղմերը երևան՝ հնարավո՞ր է միասնական ճակատ ունենալ, թե՞ ոչ: Եթե միասնական ճակատը չլինի, ապա կարծում եմ, որ չկա խանգարող որևէ բան Սերժ Սարգսյանին՝ շարունակելու իր իշխանավարումը՝ անկախ նրանից, թե դա ինչ պաշտոնում կլինի: Միշտ ասել եմ՝ կարևորը ուժային կառույցներն ում են ենթարկվում: Կարելի է ինչ-որ նոր պաշտոն հնարել, որին կենթարկվեն ուժային կառույցները, և այդ պաշտոնը տալ Սերժ Սարգսյանին: Սա նշանակում է իշխանության բացարձակ յուրացում: Եվ եթե աշնանը սկսենք այս գործընթացը, բևեռ ձևավորվի, դա ապրիլին ընդառաջ պետք է լինի: Եվ սա շատ ակնհայտ է:

-Պարոն Մարտիրոսյան, այդ բևեռի ձևավորման համար մի՞թե այսօր չպետք է իրականացվեին աշխատանքներ, մինչև «Ժառանգություն» կուսակցության առաջնորդ Րաֆֆի Հովհաննիսյանը նորից մեկնել է Հայաստանից:

-Եթե Հայաստանում ամենամեծ խոչընդոտը լիներ Րաֆֆի Հովհաննիսյանի մեկնելը, և միայն այդ պատճառով Հայաստանում այսպիսի իրավիճակ կլիներ, ես միայն այդ պատճառով նույնիսկ կփորձեի ինչ-ինչ գործողություններ իրականացնել, որպեսզի Րաֆֆի Հովհաննիսյանը չմեկնի Հայաստանից: Բայց ուղղակի բոլորս էլ լավ գիտենք, որ խնդիրը Րաֆֆի Հովհաննիսյանի մեկնելը չէ, Րաֆֆի Հովհաննիսյանը սրանից մի քանի օր առաջ դեռ Հայաստանում էր, և մինչև այդ էլ որոշ նախաձեռնություններ հանդես էր բերել, և մարդիկ շատ հանգիստ կարող էին այդ  նախաձեռնությունները կյանքի կոչել: Ինքը մինչև ամսվա վերջ էլի կլինի Հայաստանում, և այդ մարդիկ նորից նույն կերպ կարող են նրան հարց ուղղել, եթե ցանկանում են: Ինքն այստեղ չէ, բայց ես՝ որպես վարչության նախագահ, բոլոր լիազորություններն իրացնում եմ: Եվ այս վերջին ժամանակահատվածում չի եղել որևէ պրոցես, որ ես մասնակից չեմ եղել կամ որոշումների կայացմանը չեմ մասնակցել: Դրա համար մենք կարող ենք տարբեր պատճառաբանություններ բերել՝ իբրև թե Րաֆֆի Հովհաննիսյանն այստեղ չէ, դրա համար խնդիր է առաջանում և այլն, բայց բոլորս էլ գիտենք, որ 21-րդ դարում դա խնդիր չէ: Մարդիկ ցանկացել են, Միացյալ Նահանգներում էլ են Րաֆֆի Հովհաննիսյանի հետ զրուցել: Խնդիրը դա չէ:

-Ի դեպ, Րաֆֆի Հովհաննիսյանի առաջարկը մերժողները հիմնավորում են այսպես, որ կոնսոլիդացիայի առաջարկ նախկինում էլ եղել է, և «Ժառանգությունը» գոնե երեք անգամ մերժել է՝ առաջին տեղերի խնդիր դնելով:

-Բոլորն իրենց համար նպատակահարմար ձևով են փորձում ձևակերպել ինչ-որ մոտեցում, թե ինչու իրենք հրաժարվեցին միասնական պայքարից, բայց իրականության մեջ բոլորովին այլ է եղել, և բոլորը դա գիտեն Եվ թող ներքին խոհանոցը շատ չփորձեն քրքրել, որովհետև եթե բացենք ներքին խոհանոցի բոլոր դրույթներն ու բաղադրիչները, որևէ մեկի համար լավ չի լինելու: Մենք շատ համեստորեն լռում ենք, և թող իրենք էլ շատ համեստորեն փորձեն լռել, որովհետև երբևէ «Ժառանգությունը» առաջին համարի խնդիր չի դրել, մենք դրել ենք այնպիսի ցուցակի խնդիր, որն արդյունավետ կլինի, բայց դա գլխավորը չի եղել: Գլխավորը եղել է այն, որ մենք փորձել ենք այնպիսի թիմ, այնպիսի համակարգ ձևավորել, որը կպայքարի երկրում արմատական փոփոխությունների համար: Եվ եթե տարբեր պատճառաբանություններով տարբեր մարդիկ, տարբեր ուժեր միասնական պայքարից, ազատական բարեփոխումներից փախել են և իշխանությունների հետ տարբեր ձևաչափեր են փորձել գտնել կոմֆորմիզմի և անձնական հետաքրքրությունների շրջանակում, թող այդ ամենը «Ժառանգության» վրա չգցեն: Որևէ մեկը չի կարող ասել, որ «Ժառանգությունը» երբևէ գնացել է նախարարական պորտֆելներ կամ չգիտեմ ինչեր ունենալու հետևից: Եվ շատ են եղել դեպքեր, որ մենք մեր կուսակցական, անձնական ես-ը դրել ենք մի կողմ, որ փորձենք արմատական վիճակ փոխել: Որովհետև մի քանի կոճակով գնալ խորհրդարանում ընդամենը վավերացնել իշխանության գործողություններ, որ լեգիտիմ ընտրություններ էին, «Ժառանգության» ճանապարհը սա երբևէ չի եղել և չի լինելու:

-Նույնիսկ իշխանությունն է նշում, որ 2007-ի և 2017-ի «Ժառանգություն»-ները տարբեր են, որ նախկին «Ժառանգությունից» մնացել եք Դուք և Րաֆֆի Հովհաննիսյանը: Այդ դեպքում ինչո՞ւ գնացին:

-Շատ ճիշտ են նշում, որովհետև իրենց շատ մեծ ջանքեր են ներդրել, որպեսզի «Ժառանգությունը» հնարավորինս ջարդեն, մասնատեն: Կյանք է, բոլորս էլ ինչ-որ պահի կունենանք անձնական խնդիրներ, բոլորս ինչ-որ թույլ կետեր ունենք, մեկը մի քիչ ավելի շուտ է գայթակղվում, մեկ ուրիշը՝ մի փոքր ավելի ուշ:

-Եթե որևէ արձագանք չլինի, կդադարեցնե՞ք կոնսոլիդացիայի և թավշա հեղափոխության կոչերը:

-Մենք մեկ անգամ արել ենք, հո օրը քսան անգամ այդ կոչը չե՞նք անելու: Բոլորն էլ գիտակից մարդիկ են և իրենց շահերի շրջանակում կարծում եմ, կտեսնեն՝ որն է ավելի կարևոր՝ անձնակա՞ն շահերը, թե՞ պետական հասարակականը:

Բաժիններ
Ուղիղ
Լրահոս
Որոնում