Այսօր առավոտյան մահկանացուն է կնքել քանդակագործ, ՀՀ ժողովրդական նկարիչ Արտաշես Հովսեփյանը։
Անվանի արվեստագետը ծնվել է 1931 թվականի հունիսի 22-ին, Սիսիանի Սառնակունք գյուղում։ Սիսիանի միջնակարգ դպրոցն ավարտելուց հետո 1954 թվականին ընդունվել է Թերլեմեզյանի անվան գերղարվեստի ուսումնարան, երկրորդ կուրսից գործուղվել է Լենինգրադ (Սանկտ Պետերբուրգ)՝ ուսանելու Ռեպինի անվան գեղանկարչության, քանդակագործության ու ճարտարապետության ինստիտուտում։
Ստեղծագործել է մոնումենտալ, մոնումենտալ-դեկորատիվ և հաստոցային քանդակագործության բնագավառներում։ Ավելի քան հինգ տասնյակ բարձրաքանդակների, բոլորաքանդակների, կիսանդրիների հեղինակ է։
Մասնակցել է Ալեքսանդր Թամանյանի հուշարձանի համար հայտարարված մրցույթին՝ արժանանալով առաջին ու երկրորդ մրցանակներին։ Հեղինակել է Թամանյանի արձանը, որի բացումը կայացել է 1974 թվականին։