Friday, 29 03 2024
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են

«Փրկե՜ք, սպանում ա». արթնանալով մերկ երիտասարդի կողքին, աղջիկը դանակի հարվածներով փորձել է սպանել նրան՝ կարծելով, թե զրկվել է կուսությունից

Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Մարինե Մելքոնյանի նախագահությամբ ավարտվեց Սոնյա Ա.-ի (անունը փոխված է)  գործի դատական քննությունը:

Նախաքննական մարմինը 21-ամյա Սոնյային մեղադրանք էր առաջադրել սպանության փորձի համար՝ ՀՀ քրեական  օրենսգրքի 34-104 հոդվածի 1-ին մասով այն բանի համար, որ 2016 թվականի դեկտեմբերի 12-ի առավոտյան՝ ժամը 8-ի սահմաններում,  արթնանալով Երևանի Դավիթ Անհաղթի փողոցում գտնվող «Պալոմա» հյուրանոցային համալիրի թիվ 8 սենյակում ու տեսնելով, որ մերկ վիճակում պառկած է Երվանդ Չ.-ի (անունը փոխված է) հետ նույն անկողնում, մտածելով, որ վերջինիս հետ լինելով կես օրվա ծանոթներ, հայտնվել է նույն անկողնում, նա իրեն զրկել է կուսությունից, Սոնյա Ա.-ն ցանկացել է երիտասարդին զրկել կյանքից, ինչի համար դանակով հարվածել է մեջքի վրա պառկած Երվանդի կրծքավանդակի ձախ կեսին՝ պատճառելով թափանցող վնասվածք:

Սուր ցավից արթնանալով ու նկատելով, որ Սոնյան նորից հարվածում է դանակով՝ Երվանդը ձախ ձեռքով բռնել է դանակի շեղբից, պաշտպանվել ու չի թողել, որ դանակը դիպչի մարմնին՝ նա վնասվածք է ստացել ձեռքի ափի շրջանում:

Երվանդը, ազատվելով Սոնյայից, վազել է մուտքի դռան մոտ, օգնություն է կանչել, բայց չի հասցրել դուռն ամբողջությամբ բացել: Սոնյան հասել է նրան ու սպանելու դիտավորությամբ դանակով հարվածել է Երվանդի ձախ ուսագոտու շրջանին, ցանկացել է նորից հարվածել, բայց Երվանդը բռնել է նրա ձեռքերից:

Սենյակ են մտել հյուրանոցի աշխատողները, Սոնյայի ձեռքից վերցրել են դանակը, և նա իր կամքից անկախ հանգամանքներով պայմանավորված՝ չի կարողացել իր հանցավոր մտադրությունը ավարտին հասցնել:

Սոնյայի նկատմամբ որպես խափանման միջոց է ընտրվել չհեռանալու մասին ստորագրությունը:

Երկու օր անց՝ դեկտեմբերի 14-ին, Սոնյան երևանամերձ գյուղերից մեկի իրենց տան հյուրասենյակում մոր հետ զրուցելու ժամանակ հարձակվել է վերջինիս վրա, բռնել է ձեռքերը, հրելով գցել է հատակին, ձեռքերով հարվածել է մոր գլխին ու դեմքին` պատճառելով թեթև վնասի հատկանիշներ չպարունակող վնասվածքներ:

Դեկտեմբերի 15-ին Սոնյա Ա.-ին տեղափոխել են հոգեբուժական կլինիկա, որոշում է կայացվել նրա նկատմամբ դատահոգեբուժական-դատահոգեբանական ստացիոնար համալիր փորձաքննություն նշանակելու մասին:

Փորձաքննության եզրակացությամբ՝ Սոնյա Ա.-ն տառապում է «Զառանցական   խանգարում» հոգեկան հիվանդությամբ, նա ճանաչվել է անմեղսունակ:

Ըստ եզրակացության՝ Սոնյա Ա.-ն սոցիալապես վտանգավոր է իր ու շրջապատի համար, կարիք ունի մշտական խնամքի, մեկուսացման ու հարկադիր բուժման՝ հոգեբուժական բաժանմունքի պայմաններում:

Սոնյա Ա.-ն որպես մեղադրյալ հարցաքննությունների ժամանակ չի ընդունել իրեն առաջադրված մեղադրանքը, բայց ընդունել է, որ ինքն է դանակով հարվածել Երվանդ Չ.-ին:

Տուժող Երվանդ Չ.-ն հայտնել է, որ 2016 թվականի դեկտեմբերի 11-ին, ժամը 21-ի սահմաններում Երևանի Սարյան-Ամիրյան խաչմերուկում գտնվող աստիճանների մոտ տեսել է մի անծանոթ աղջկա: Հավանել է նրան, մոտեցել ու առաջարկել է ծանոթանալ ու մեքենայով շրջել քաղաքում:

Սոնյան չի մերժել իր առաջարկը: Միասին նստել են իր մեքենան, շրջել են Երևանում:

Աղջիկն ինքնամփոփ է եղել, իր հարցերին կարճ է պատասխանել, ասել է, թե շատ խնդիրներ ունի, չի ուզում տուն գնալ: Նա շատ հուզված էր: Ասում էր, թե ապրում է Մասիվում:

Ինքը մեքենան վարել է Նորքի 2-րդ զանգված, բայց Սոնյան ասել է, թե իրականում Երևանում չի ապրում, հեռու է ապրում, ինքը չի կարող նրան տուն տանել:

Ի վերջո ինքն իմացել է, որ Սոնյան ապրում է երևանամերձ մարզում, զանգել է իր ընկեր Վ.-ին, որ միասին աղջկան տուն տանեն, հետո ինքը մենակ չվերադառնա: Հանդիպել են Վ.-ին, նա նստել է իր մեքենան, գնացել են աղջկա ասած բնակավայրը: Ճանապարհին Սոնյան համարյա չի խոսել, իրենց հարցերին չի պատասխանել:

Բնակավայրում աղջիկը հրաժարվել է մեքենայից իջնել ու տուն գնալ: Իրենք շատ են պնդել, համոզել են, նա վերջապես իջել է մեքենայից, բայց ասել է, թե տուն չի գնալու:

Ինքն իջել է նրա հետևից: Մի քանի րոպե զբոսնել են, պայմանավորվել են միասին վերադառնալ Երևան, միասին էլ գիշերել հյուրանոցում:

Նորից նստել են մեքենա: Ինքը զանգահարել է «Պալոմա» հյուրանոց ու սենյակ է պատվիրել: Վ.-ին իջեցրել է մեքենայից, ինքն ու Սոնյան գնացել են «Պալոմա» հյուրանոց:

Գիշերվա ժամը 2-ի սահմաններում հասել են հյուրանոց, տեղավորվել են սենյակում, հաց են կերել, զրուցել են: Սոնյան լողացել է: Ինքը համբուրել է նրան, նրա հետ անկողին է մտել, ցանկացել է սեռական հարաբերություն ունենալ, բայց նա ասել է, որ նախկինում տղայի հետ չի եղել, երբեք սեռական հարաբերություն չի ունեցել: Նա հրաժարվել է իր հետ էլ սեռական հարաբերություն ունենալուց՝ ասելով. «Դեռ պատրաստ չեմ, հանգստացի, առավոտյան մի բան կփորձենք»:

Այդպես՝ իրենք սեռական հարաբերություն չեն ունեցել: Ինքը հոգնած էր, պառկել է Սոնյայի կողքին ու քնել է:

Առավոտյան, երբ մեջքի վրա պառկած-քնած էր, ձախ կողմում սուր ծակոց է զգացել: Արթնացել ու տեսել է, որ Սոնյան դանակով հարվածում է իրեն:

Երկրորդ հարվածի ժամանակ ինքը հասցրել է ձախ ձեռքով բռնել դանակի շեղբից, պաշտպանվել է հարվածից ու վնասել է ձեռքի ափը: Ապա Սոնյային հրել ու տեսել է, որ իր կրծքավանդակից ուժեղ արյուն է հոսում:

Վազել է դռան մոտ, օգնություն է կանչել: Սոնյան դանակը ձեռքին հասել է իր հետևից, մինչ ինքը աջ ձեռքը դրել էր արյունահոսող վերքին, Սոնյան դանակով հարվածել է իր ձախ ուսագոտու շրջանին: Հետո նա փորձել է էլի հարվածել՝ ասելով. «Կսպանեմ»:

Ինքը Սոնյային հրել-գցել է հատակին: Նրա ձեռքից դանակն ընկել է: Սոնյան սեղանից մեկ ուրիշ դանակ է վերցրել ու կրկին հարձակվել է իր վրա, այդ դանակով քերծել է իր ձախ արմունկը:

Ինքը երկու ձեռքով նրան հետ է հրել ու հենել է բազմոցին: Այդ ժամանակ օգնության են հասել հյուրանոցի աշխատողները: Ինքը նրանց ասել է. «Փրկեք, սպանում ա, աղջկա ձեռքին դանակ կա»: Սոնյայի ձեռքից վերցրել են դանակը:

Ըստ հյուրանոցի աշխատողների՝ դանակահարված Երվանդը Սոնյային ասում էր. «Ես քեզ ի՞նչ էի արել ախր, բացի լավից՝ ոչ մի բան չէի արել, ա՛յ անշնորհակալ»: Սոնյան իրենց ներկայությամբ ոչ մի բառ չի ասել, միայն լուռ նայել է տղամարդուն: Տղամարդն ու աղջիկը մերկ էին: Սենյակում երկու արյունոտ դանակ են գտել…

Սոնյայի հայրը հայտնել է, որ պարբերաբար մեկնել է Ռուսաստան՝ արտագնա աշխատանքի: Վերջին անգամ Հայաստան է վերադարձել աղջկա հետ կատարված դեպքից մեկ ամիս առաջ:

Սոնյան ընդունվել էր երևանյան համալսարաններից մեկը, բայց երկրորդ կուրսից չի ցանկացել սովորել՝ վարձավճարի պատճառով, քանի որ իրենք ուսման վարձը դժվարությամբ են վճարել: Դրանից Սոնյան շատ նեղված է եղել:

2016 թվականի դեկտեմբերի 9-ին, երբ ինքը Ռուսաստանից եկել ու գումար էր բերել, Սոնյայի հետ գնացել են համալսարան, որ վարձը վճարեն, նա շարունակի սովորել: Բայց պարզվել է՝ իրենց նախատեսածից ավել պիտի վճարեին: Իրենք մեքենայի մեջ սպասել են, որ դեկանը գա, ինքը խոսի նրա հետ: Սպասելու ընթացքում ինքը մեքենայի մեջ քնել է: Այդ հանգամանքից օգտվելով՝ Սոնյան երկտող է գրել. «Ինձ ման չգաս, պա», երկտողը թողել է մեքենայի նստատեղի վրա ու հեռացել է:

Այդ օրվանից ինքն ամեն տեղ փնտրել է Սոնյային: Վախեցել են խայտառակ լինելուց, չեն իմացել՝ ում դիմեն: Գիտակցել են, որ նա ինքնակամ է հեռացել՝ նեղված լինելով ուսման վարձի հետ կապված խոսակցությունների պատճառով:

Երբ մի քանի օր Սոնյային չի գտել, արդեն պատրաստվել է գնալ ոստիկանություն, երբ իրեն զանգել ու կանչել են: Իրենք տուժած տղային չեն ճանաչել, վախեցել են Սոնյային հարցեր տալ: Ինքը միայն նրան հարցրել է՝ դո՞ւ ես արել: Նա ասել է՝ հա: Ինքը նրան հարցրել է նաև՝ մաքո՞ւր ես, թե՞ չէ: Նա պատասխանել է՝ մաքուր եմ: Այսինքն՝ կույս է: Ինքն այլևս հարցեր չի տվել, քանի որ Սոնյան ծանր հոգեվիճակում էր: Իրենք Սոնյայի մոտ նախկինում նկատել են ընկճված վիճակ, մի անգամ տարել են «Սթրես վերականգնման բաժանմունք», որտեղ նրան գրանցել են, նա համապատասխան բուժում է ստացել, նրա վիճակը լավացել է, նա հանգստացել է: Ընդհանրապես՝ Սոնյան փակ աղջիկ էր, ոչ մեկի հետ չէր կիսվում: Նրա մոտ հոգեկան հիվանդության, զառանցական խանգարման նշաններ կարծես չեն նկատել:

Դանակահարման դեպքից երկու օր հետո Սոնյան իրենց տանը մոր հետ զրուցելու ժամանակ հարձակվել է մոր վրա, գցել է հատակին, սկսել է ձեռքերով հարվածել: Երբ ինքը տուն է գնացել, կնոջ հետ միասին կապել են դստեր ձեռքերը, իսկ հաջորդ օրը նրան տեղափոխել են հոգեբուժական կլինիկա:

Սոնյայի ծնողներն ասել են, որ առկա է նաև ժառանգականության գործոնը, բայց իրենք այդ մասին չեն ցանկացել բարձրաձայնել:

Դատաբժշկական փորձաքննության եզրակացությամբ՝ Սոնյա Ա.-ի կուսաթաղանթի ամբողջականությունը խախտված չէ…

Դատարանը Սոնյա Ա.-ին, որպես անմեղսունակության վիճակում օրենքով արգելված արարք կատարած անձի, ազատել է քրեական պատասխանատվությունից ու պատժից, նրա նկատմամբ կիրառել է բժշկական հարկադրանքի միջոց՝ հարկադիր բուժում՝ ընդհանուր հսկողության հոգեբուժական բաժանմունքում:

Բաժիններ
Ուղիղ
Լրահոս
Որոնում