Արմենիա ոչ մեծ քաղաքը գտնվում է Սալվադորի Հանրապետությունում (Կենտրոնական Ամերիկա)՝ Սոնսոնատե դեպարտամենտի տարածքում: Այս մասին գրում է rusarminfo.ru-ն:
Այս անվանումը քաղաքին տրվել է 1919 թ. Սալվադորի նախագահ Խորխե Մելենդեսի հրամանագրով: Նախքան դա՝ քաղաքը Գուայմոկո էր կոչվում և հիմնականում բնակեցված էր հնդկացիներով: Երկրի ղեկավարի այս որոշման հիմք է դարձել այդ տարածքներում Հայոց ցեղասպանությունից փախած հայերի բնակեցումը: Վարկածներից մեկի համաձայն՝ Մելենդեսն անձամբ է հանդիպել հայ փախստականների հետ ամերիկյան նավահանգստում և նրանց առաջարկել է Սալվադորում բնակություն հաստատել:
Չնայած Գուայմոկո հսկայական թվով հայեր էին ժամանել՝ կես դար անց այնտեղ ոչ մի զտարյուն հայ չի մնացել. նրանցից վերջինը մահացել է 1971 թվականին։ Սակայն այնտեղ դեռ կա հայկական համայնք՝ թեև փոքրաթիվ, որը բաղկացած է արմատներով հայերից:
Արմենիան Սալվադոր այցելող զբոսաշրջիկների շրջանում հայտնի է իր բազմազգ պատմությամբ և սովորույթներով:
Արմենիան նաև սալվադորցի շատ հայտնի մշակութային գործիչների հայրենիքն է, նրանց թվում է գրող, նկարչուհի Կոնսուելո դե Սենտ-Էկզյուպերին՝ «Փոքրիկ իշխանի» հեղինակ Անտուան դե Սենտ-Էկզյուպերիի կինը: