Վաշինգտոնի համալսարանի գիտնականներին հաջողվել է բջջային հեռախոս ստեղծել, որը կարող է աշխատել առանց մարտկոցի:
Ինչպես հայտնում է ТАСС գործակալությունը, հետազոտողները վերանայել են բջջային հեռախոսներում օգտագործվող տեխնոլոգիաները, քանի որ նորույթն աշխատում է շրջակա միջավայրից էներգիա ստանալու շնորհիվ:
Լաբորատորիայի աշխատակից Ջոշուա Սմիթի խոսքով` նման բջջային հնարավոր է զանգեր կատարել և հաղորդագրություններ ուղարկել, անգամ եթե մարտկոցը լիցքաթափվել է: Ինչպես նա նշել է, որոշում է կայացվել կենտրոնանալ հենց բջջային հեռախոսների վրա, քանի որ այն ամենապահանջված գաջեթն է:
Գիտնականները ճառագայթման անդրադարձի տեխնիկա են մշակել, որը թույլ է տալիս սարքին կապ պահել ռադիոալիքների անձրադարձման շնորհիվ և որը Սմիթն անվանել է «պասիվ Wi-Fi»: Այստեղ գործում է նույն սկզբունքը, որը և արևային լույսի և հայելու միջոցով ազդակների փոխանցման դեպքում: