Իրանի խորհրդարանի նախագահ Ալի Լարիջանին հայտարարել է, որ Թեհրանը չի բացառում Հյուսիսային Կորեայի հետ իր կապերի օգտագործման հնարավորությունը՝ Կորեական թերակղզում իրավիճակի կարգավորմանը նպաստելու համար։ Այս մասին հայտնում է «Ռենհապ» գործակալությունը։
«Մենք կարծում ենք, որ պետք է կիրառենք մեր երկկողմ հարաբերությունները խնդիրների լուծման համար։ Եթե դա մեր ուժերի սահմաններում է, ապա մենք կուսումնասիրենք երկու Կորեաների միջև հարաբերությունների հաստատման մեր հնարավորությունները»,-ասել է Լարիջանին Սեուլ այցի ժամանակ, որտեղ նա մասնակցում է Եվրասիայի երկրների խորհրդարանների խոսնակների հանդիպմանը։
«Մենք պետք է զարգացնենք ու առաջ մղենք քաղաքական երկխոսությունը»,-հայտարարել է նա՝ հավելելով, որ Թեհրանն իր արտաքին քաղաքականությունում հիմնվում է ցանկացած արտաքին խնդրի խաղաղ լուծման սկզբունքի վրա։