Friday, 29 03 2024
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»

Ի՞նչ ակնարկ եղավ ԱԱԽ նիստում սիրիական կոնֆլիկտի մասին

Հունիսի 27-ին ՀՀ նախագահ Սերժ Սարգսյանի գլխավորությամբ անցկացված Ազգային անվտանգության խորհրդի (ԱԱԽ) նիստի ընթացքում, ի թիվս այլ հարցերի, քննարկվել է խիստ կարևոր և ուշագրավ խնդիր՝ Մերձավոր Արևելքում տեղի ունեցող իրադարձությունները և դրանց ազդեցությունը հայկական համայնքների վրա: Ըստ պաշտոնական հաղորդագրության, նիստի մասնակիցներին հարցի վերաբերյալ տեղեկատվություն է ներկայացրել Հայաստանի արտաքին գործերի նախարարը:

Խոսելով թեմայի շուրջ՝ ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը դրական է գնահատում այս հարցի քննարկումը ԱԱԽ նիստում՝ շեշտելով, որ Մերձավոր Արևելքը շատ հեռու չէ մեր երկրից, և այս տարածաշրջանի կոնֆլիկտներն այս կամ այն ձևով ազդում են Հայաստանի անվտանգության վրա:

«Սա նշանակում է, որ մեր պետությունը մտահոգված է և զբաղվում է նաև մեր սփյուռքահայ հայրենակիցների հարցերով՝ անկախ նրանից, թե Հայաստանի քաղաքացիություն ունեն կամ չունեն: Մերձավոր Արևելքը Հայաստանի համար հեռավոր վայր չի, եթե մի կողմ թողնենք այդ շրջաններում հայերի բնակվելու հանգամանքը: Իրականում շատ մոտ վայր է: Օրինակ՝ մեր սահմանից մինչև Իրաք ուղիղ գծով ընդամենը 300-350 կմ է, ուստի դրական է, որ քննարկվել է: Բնականաբար չգիտեմ, թե ի վերջո ինչ եզրակացության են եկել, բայց ընդհանուր առմամբ ճիշտ քայլ է, որ մեր պետությունը զբաղվի Սփյուռքում, հատկապես այդպիսի անկայուն շրջաններում բնակվող հայերով»,- «Առաջին լրատվական»-ի հետ զրույցում նշեց Կիրո Մանոյանը:

Դաշնակցական գործիչը կարծում է՝ եթե Մերձավոր Արևելքի իրավիճակը շատ անկայուն լինի, դա անպայման կունենա իր ազդեցությունը Հայաստանի ընդհանուր անվտանգության վրա՝ ոչ անպայմանորեն անմիջական իմաստով: «Հաշվի պիտի առնենք, որ Մերձավոր Արևելք ասելով՝ նաև կա մեր հարևան Թուրքիան, եթե նույնիսկ հարևանանման է պահում իրեն: Եվ այդ իմաստով կարևոր է, որպեսզի հետևենք այդ խնդիրներին: Բնականաբար, կա նաև Իրանի նկատմամբ վերաբերմունք: Ուրեմն այս բոլորը մեր անմիջական շրջապատն են: Չեմ կարծում, որ Հայաստանում կա որևէ մեկը՝ ներառյալ Ազգային անվտանգության խորհրդի անդամները, որ կարծում են, թե մենք կարող ենք մեծ ազդեցություն ունենալ այդ իրադարձությունների վրա, բայց միանշանակ է, որ զգոն պիտի լինենք, որ այդ իրադարձությունների հետևանքները չվնասեն մեր անվտանգությանը, այս դեպքում՝ նաև այնտեղ բնակվող հայկական համայնքներին»:

Անդրադառնալով մասնավորապես Սիրիայի հայ համայնքի խնդրին՝ Կիրո Մանոյանը հիշեցրեց, որ այս տարիների ընթացքում շատ է խոսվել սիրիահայերին տարհանելու մասին, բայց մեր զրուցակցի կարծիքով՝ դա ճիշտ մոտեցում չէ այն իմաստով, որ չի կարելի մարդկանց ստիպել դուրս գալ իրենց տներից, եթե նրանք ցանկանում են մնալ Սիրիայում: Մյուս կողմից՝ անհրաժեշտ է ստեղծել պայմաններ այն մարդկանց համար, ովքեր ցանկանում են Սիրիայից տեղափոխվել Հայաստան:

«Պարզ է, այսօր Սիրիայի համայնքի թիվն այն չէ, ինչ էր մինչև սիրիական տագնապի սկսելը՝ 2011 թ., բայց արդեն խոսվում է Սիրիայի հայ համայնքի վերականգման, վերակառուցման, աշխատանքների մասին, որի ուղղությամբ ևս պետությունը և ամբողջ հայությունը անելիք ունի աջակցելու, որովհետև Մերձավոր Արևելքում հայության ներկայությունը նաև նպաստում է Հայաստանի ազգային անվտանգության ապահովմանը»:

Որոշ վերլուծաբաններ ԱԱԽ այս նիստից հետո առաջ քաշեցին մի վարկած, թե Հայաստանի ղեկավարության կողմից մերձավորարևելյան իրադարձությունների և հայկական համայնքների խնդիրների քննարկումը կարող է կապված լինել Ռուսաստանի՝ վերջերս խիստ ակնհայտ դարձած մի ձգտման հետ՝ ՀԱՊԿ անդամ պետություններին ռազմականապես մասնակից դարձնելու Սիրիայի իրադարձություններին:

Դիտարկելով հարցն այս տեսանկյունից՝ Կիրո Մանոյանն ընդգծեց, որ Սիրիայի խնդիրը շատ նուրբ է այն իմաստով, որ այնտեղ կա նաև կրոնական բնույթի բախումների վտանգ, ուստի պետք է շատ լուրջ մտածել, թե արդյո՞ք ճիշտ կլինի, որ հայկական ուժերն ինչ-որ ձևով մասնակցեն սիրիական հակամարտությանը:
«Ես անձնապես շատ կողմնակից չեմ, որովհետև նայած, թե ինչ դերակատարություն պիտի ունենան: Առ այսօր Հայաստանի պատկերը, այսպես ասած՝ իմիջն այնտեղ այն է, որ Հայաստանը աջակցում է սիրիացի ժողովրդին և ուղարկում է մարդասիրական օգնություն: Կարծում եմ, որ դա շարունակելն ավելի ճիշտ է, քան որևէ այլ բան: Բայց իրադարձությունները կարող են փոխվել, ըստ այդմ էլ պետք է քննարկել: Սակայն այսօրվա պայմաններում, կարծում եմ, ռազմական ներկայություն ունենալու հարցն այնքան էլ նպաստավոր չէ ո՛չ Հայաստանի, ո՛չ էլ հայության համար»,- ավելացրեց Կիրո Մանոյանը:

Բաժիններ
Ուղիղ
Լրահոս
Որոնում