Վրաստանի նախկին նախագահ, ներկայում Ուկրաինայի քաղաքացի Միխեիլ Սահակաշվիլիի արտահանձնումը հայրենիք «այսօր հնարավոր չԷ»: Այդ մասին հունիսի 27-ին լրագրողներին հայտարարել Է Թբիլիսիում գտնող Ուկրաինայի գլխավոր դատախազի տեղակալ Եվգենի Ենինը:
Սահակաշվիլին «այսօր Ուկրաինայի քաղաքացի Է եւ, այս երկրի Սահմանադրության համաձայն, նրա արտահանձնումը Վրաստանին հնարավոր չԷ»,- ասել Է Ենինը: «Բայց մենք սերտ շփում ունենք վրացի մեր գործընկերների հետ, մեր միջեւ լավ ու ինտենսիվ համագործակցություն Է հաստատված, մենք առաջ ենք ընթանում, այնպես որ ժամանակը ցույց կտա»,-հավելել Է նա:
Նա նաեւ միանշանակ պատասխան չի տվել այն հարցին, թե այս թեման կշոշափվի արդյոք նախագահ Պյոտր Պորոշենկոյի՝ հուլիսին Թբիլիսի կատարելիք այցի ընթացքում: «Չգիտեմ, այդ հարցը կքննարկվի արդյոք, քանի որ նախագահի այցի օրակարգն ինձ հայտնի չԷ: Բայց մենք պատրաստ ենք պատասխանել մեր վրացի գործընկերների հարցերին»,-ասել Է Ուկրաինայի գլխավոր դատախազի տեղակալը, հաղորդել Է ՏԱՍՍ-ը: