«Մենք թույլ ենք տվել, որ պարտքն աճի, և դա ունի իր գինը. դա մեր տնտեսական աճն էր: Հակառակ պարագայում հարց կլիներ, թե մենք ինչպիսի տնտեսական աճի տեմպեր կունենայինք»,- Ազգային ժողովում «Հայաստանի Հանրապետության 2016 թ. պետական բյուջեի կատարման մասին» տարեկան հաշվետվության ժամանակ ասաց ՀՀ ֆինանսների նախարար Վարդան Արամյանը՝ պատասխանելով ԱԺ «Ծառուկյան» խմբակցության պատգամավոր Սերգեյ Բագրատյան հարցին՝ ժամանակը չէ՞, որ բյուջեի ձևավորման հիմքում դրվի ըստ արդյունքի բյուջետավորման սկզբունքը, քանի որ տարեցտարի պետական պարտքն աճում է:
Նախարարի խոսքով՝ արդյունքային ցուցանիշներ ստեղծելը և հետագայում դրանով ուղղորդվելը բավականին բարդ է. «Բայց կարևորն այն է, որ մենք գնում ենք այդ ուղղությամբ»:
