Հունիսի 24-ի առավոտյան կողաշրջված ավտոբուսի հետևանքով տուժածների վիճակը արդեն լավ է: «Երկուսի վիճակն էլ արդեն լավ է, բարելավվում է վիճակը, դրական միտումներ կան: Վիճակը միջինից էլ լավ է: Այսօր արդեն վիրավոր զինծառայողներից մեկին կիջեցնեն պալատ»,- «Առաջին լրատվական»-ի հետ զրույցում ասաց ՊՆ մամուլի խոսնակ Արծրուն Հովհաննիսյանը:
Ինչ վերաբերում է վթարի պատճառներին, ապա Հովհաննիսյանի խոսքով՝ առայժմ դեռ վաղ է ասել, պատճառները պարզվում են, քննություն է գնում:
Հիշեցնենք, որ հունիսի 24-ին Գեղարքունիքի մարզում դիրքերից իջնող ավտոբուս էր կողաշրջվել, ինչի հետևանքով տուժել են տասնյակից ավելի պայմանագրային զինծառայողներ։ Վարդենիսի զինվորական հոսպիտալից 8 տուժածի տեղափոխել են Երևանի Կենտրոնական կլինիկական զինվորական հոսպիտալ։ Նրանցից երկուսի վիճակը միջինից ծանր է, մեկը ունի կոտրվածքներ։